快速跳頁第 02 頁第 03 頁

National Treasure 驚天奪寶 故事大網： 尼古拉斯基治飾演考古學家，家族世代都在追尋史上最大的金庫 – 一個隱藏了2000年、流傳十代的超級寶藏！未完成的金字塔、憲法中的密碼、甚至美國通用紙幣…，全部隱藏著尋寶線索！尼古拉斯聯同高科技隊伍，憑藉印在「獨立宣言」背後的一幅藏寶地圖，追尋遍佈美國各大州的線索，目的卻並非奪取寶藏… 感想： 很有Indiana Jones的影子. 可能個人不太喜歡大英雄式的電影, 所以一直也投入不了. 但以其緊張刺激的場面, 新奇刺激的迷題... 總會拉回不少分數. 本著去遊埠前一晚的好心情, 給75分吧. 主要演員：尼古拉斯基治 Nicolas Cage 戴安古嘉 Diane Kruger 導演：莊泰圖托 Jon Turteltaub 級別：IIa級

功夫 故事大網： 《功夫》的故事發生在40年代的中國，周星馳飾演一名無可藥救的小混混「阿星」。意志不堅的他，在江湖打混多年仍一事無成。他一心渴望加入手段冷酷無情、惡名昭彰的斧頭幫，並夢想成為黑道中響噹噹的人物。此時斧頭幫正傾全幫之力鏟平唯一未收入勢力範圍的地頭 ---- 豬籠城寨，阿星遂向幫主自薦…… 感想： 這套戲最大的賣點便是特技. 因為有很多場的特技效果, 例如六指琴魔, 萬佛朝宗, 大聲公...etc場面, 比起荷李活大片是有過之而無不及的. 但除了特技畫面, 這片可以說一無是處... 故事薄弱, 橋段毫無新意, 一味"懷舊致敬"(即係抄...). 周星星個人的演技更家不知所謂, 反而城寨三個功夫高手的戲更加吸引(身邊的朋友都喜歡這場戲). 所以基本上這套戲只能當做視覺享受的demo帶. 不知到是否有錢使得鬼推磨, 政府為了這套戲立了全世界獨有的針對BT非法下載法例... 有點反感. 算有50分吧. 主要演員：周星馳、黃聖依、元華、元秋、林子聰、陳國坤 導演：周星馳 級別：IIb級

Spider-Man 2 蜘蛛俠 2 故事大網： 兩年前，高中生彼得柏加意外成為蜘蛛俠，將誓要統治地球的綠魔殲滅。兩年後，彼得已成為大學生。一如其叔叔所言︰「威力越大，責任越大。」白晝上堂學習晚上伸張正義的生活令彼得疲憊不堪。 彼得暗戀多時的瑪莉珍終於夢想成真，成為百老匯新星，更要與新男友結婚；那邊廂，好朋友夏利正是綠魔的兒子，他對蜘蛛俠的仇恨令彼得十分矛盾。當彼得為種種原因而打算放棄，不再做蜘蛛俠之時，一頭如同八爪魚的怪獸正在市面出沒。彼得決定再度穿上賜予他無比能量的蜘蛛戰衣奮力一戰。 感想： 講特技講科幻既話, 開頭果段真係好得架. nuclear fusion power, 八爪瘋狂科學家, 同埋Paker係條路度左穿右插, 加上火車大戰果幕... 好得! 講人性果面, 佢又真係道出左一個男仔點樣為左正義犧牲同付出... 工作, 學業, 金錢, 愛情樣樣都無曬, 睇到果幕洗完套蜘蛛衫甩色搞到條底褲喎左... 真係心都酸埋. 但係, 劇情一到左後面就死得喇, 悶到嘔啦, 搵戲黎做啦, 老土啦, 同埋為左拍續集留伏線啦... 乜野垃圾都出齊... 即刻訓著左! d分一拉均即刻低曬, 由90分跌到70分! 主要演員：杜比麥奎爾 Tobey Maguire 姬絲坦登絲 Kirsten Dunst 艾佛莫連拿 Alfred Molina 導演：森溫美 Sam Raimi 級別：IIb級

我要做Model 故事大網： 超級名模Mandom(鄭中基飾)在國際時裝業界揚名立萬。一天，接到死亡恐嚇，被威脅不可出席Model界盛事─「Model皇戰衣爭奪戰」。Mandom急忙報警求助，警方特派出神勇女警張鐵柱(林嘉欣飾) 廿四小時貼身保護。可惜二人互相鄙視大家性格，成為一對歡喜冤家。另外死對頭─范特西(森美飾)亦是模特兒界炙手可熱的新人王，知名度力逼Mandom。一次巧合鐵柱更成為了Mandom在爭奪戰中行catwalk的拍檔，接受特訓，天橋上一戰即將展開，冠軍究竟是誰呢？ 感想： 其實套野真係唔係好掂, 純粹係因為唱親K同搭親巴士都見到佢地幾隻奇離野先會有興趣去睇(可想而知廣告既魔力有幾大...), 好彩有買一送一贈卷, 笑都笑左成個鐘, 都叫左抵既. 尤其係阿"歌手劉以達", 基本上一出場就已經想笑, 殺曬. 鄭中基就繼續... 都係咁囉, 無乜特別. 反而唔知點解主題曲竟然係張學友既life is like a dream, 總括黎講都有60分既. 主要演員：鄭中基、林嘉欣、森美、李燦森 導演：谷德昭 級別：IIb級

旺角黑夜 故事大網： 來(吳彥祖飾)，為了尋找失蹤女友素，來港工作，經神秘的老六介紹下，找到第一份差事就是被 騙當殺手，從此被捲入兩黑幫社團的仇殺中。事實上，老六暗地裡亦是警方的線人來得知成為老 六的代罪羔羊，活在黑白兩道的間，踏上亡命之途。後來，來遇上內地來港妓女丹(張柏芝飾)， 另一方面警方的反黑行動亦如火如荼，可惜多次行動皆徒勞無功，始終給來逃脫，一切似是告一 段落之際… 感想： 基本上睇呢套戲有一半係為左睇吳彥祖, 另一半就因為... haha. 講返套戲, 其實個故仔我幾中意既, 因為題材比較貼身一d(ok, 我認我係大陸仔 :P), 再加上呢類咁無聊既事成日都係身邊發生, 好多人都會為左一單小事鬧到變中事, 再進一步到大事... 但係後斷真係太刻意要壞人做好人喇, 同埋會睇到人好火滾. 試諗下眼白白睇到自己條仔比人係咁打, 仲要門鎖係咁撞塊面搞到血肉模糊, 仲會唔會剩係識得係度喊又喊唔出剩係識"我求求你唔好啦..."?! 求其用蠻力lap架撐插佢啦! 不過套戲既前段真係好得, "老闆, 幫我地影張相" 呢樣野真係經典... 呢次都唔知點打分喇, 假如齋套戲既話就70分啦, 假如比埋d戲院氣氛(因為無人), 靚仔演員, 身邊人...等既話, 就會接近滿分架喇. 主要演員：張柏芝、吳彥袓、方中信 導演：爾冬陞 級別：IIb級

The Day After Tomorrow (明日之後) 故事大網： 氣象學家傑克(丹尼斯葛特飾)預測地球將進入另一個冰河時期，突如其來的自然災害，如海嘯、風暴、冰雹、水災將於世界不同角落同時發生。情況危急，傑克馬上通知美國白宮政府，兒子亦不能幸免被困在危險的地方，救子心切，但面對如此天災，實在束手無策，一場威脅全人類性命大災難正在爆發… 感想： 同好多人一樣, 廣告係咁賣身邊既人係咁問, 所以逼住要睇既大製作. 場面真係好grant, 尤其係NY被冰凍果一場戲睇到我身都定埋... 教育意義好重, 除左幽Bush 提倡既war economy一默之外, 更強調現今呢代因為未夠鐘要受報應所以肆無忌憚咁破壞環境既後果. 每當見到字幕出"墨西哥美國難民營"果陣, 全場都會忍唔住笑左出黎... 睇黎呢個場景真係夠晒諷刺. 至於果d乜乜父子親情... 可能會有人明既, 但係我代入唔到, 所以無乜感覺. 係無戲上既情況下, 輕易奪冠既一部片, 值85分. 主要演員：丹尼斯葛特 Dennis Quaid 積克格寧賀 Jake Gyllenhaal 系列伊仁賀 Ian Holm 艾美洛森 Emmy Rossum 茜拉華特 Sela Ward 導演：羅倫艾默烈治 Roland Emmerich 級別：IIa級

Shrek 2 (史力加 2) 故事大網： 承接上集，故事講述史力加與費安娜度蜜月歸來後，他們接到一封來自費安娜父母的信，邀請這對新婚夫婦來共晉晚餐。問題是，兩位老人家還不知道他們的漂亮女兒已經變成怪物，當然也不知道史力加的身份…… 感想： 因為無睇上集既關係, 所以唔係好知個故仔之前講乜. 但係剩係講呢集既話, 無論係畫功, 故事同埋搞笑都係上等之作. 全片有好多拎其他電影開玩笑既地方, 好搞鬼下(雖然有少少Scary movie既影子). 配音果兩位都幾搞笑, 張衛健一輪嘴咁講既對白係過癮... 阿仙女教母既演譯就好似果火左少少, 令人諗起殷妮. Prince Charming就更加係女人湯丸既代表, 比我都唔要. 至於青蛙國王嘛... 真係好多人既代表, 大把人自己都唔掂仲係度對其它人嫌三嫌四, 待人以嚴既人版. 結局有d特別, 因為無諗過阿公主會唔要自己個靚樣... 果幾隻驢同龍既混種化骨龍仔真係好好好鬼死cute, 記得一定要等到字幕出曬先睇到架! 我覺得值80分. 英語配音: 米克邁亞斯 Mike Myers 愛迪梅菲 Eddie Murphy 金美倫戴雅絲 Cameron Diaz 粵語配音: 張衛健、杜汶澤 導演：安德魯阿當遜 Andrew Adamson 級別：I級

江湖 故事大網： 龍頭大哥洪仁就縱使早對江湖萌生退意，可是卻身不由己，他明白江湖上所謂的退出就等如死亡。兒子出世當日亦是他生命受脅之時。一個消息傳盛江湖，有人要在十二小時內把洪殺掉，而出賣者正是洪身邊的人。一直忠心的三大巨頭紛紛來向他獻計，而一向行為暴烈的好兄弟－－左手，亦誓要為洪抓出死士。久歷風雨的洪卻從容不迫，他靜靜等待各人露出心意…… 感想： 都好耐無睇張學友做爛仔戲, 今次我覺得佢真係做得幾好. 套片本身有d老土, 風格同人物都有d似無間道(因為又係果幾個人做熟口熟面?), 好多野都可以睇頭知尾. 但係d演員真係做得出色, 又或者話選角選得好好, 個個都只要做返自己就得喇. 陳冠A都係咁得意, 不過無左果段人狗交真係無左d連貫, 唔可以好好咁解釋點解一個原本咁驚青既人, 最後會變到下下要鏟人全家. 全片最唔掂係所謂兩界影帝劉生, 真係唔知點形容佢, 睇佢背面就憎佢前面... 最多值70分. 主要演員：劉德華、張學友、余文樂、陳冠希、曾志偉、林家棟 導演：黃精甫 級別：IIb級

大佬愛美麗 故事大網： Georgie（吳彥祖飾）飾演龍頭大佬洪一的兒子，卻因藏有一個天地不容秘密，而被父親放逐，直至老父百年歸老之日，終有機會回港。同室Sam（陳奕迅飾）被Georgie性格及外形，深深愛慕視以偶像，一天，洪一親信硬闖Georgie家，誤將Sam當作Georgie押送返港，替他一改造型，成為新一代龍頭大頭。Georgie陪伴Sam左右，終體會到做人大佬甚艱難的道理。Sam戀上雷輝之女Julie（莫文蔚飾），Georgie從Julie身上，看到她對黑道百般討厭，就如他十年前被趕走的心，兩人惺惺相惜，大婚前夕，Julie竟向Georgie表白，婚禮變成三角內哄的舞台…… 感想： 唔知點解我硬係睇唔到套戲係同個official既故事大綱match既. 始終馮德倫做導演只係一個嘩眾取寵既賣點, 套戲既馮德倫只係一味扮型, 無用. 至於兩個主角就發揮都唔係好好, 無乜驚喜. 驚喜反而來自d配角, 羅家英同杜文澤真係... 無得頂! 故仔同埋d笑料雖然好common, 但係靠班綠葉做到有耳目一新既感覺. 值75分(唔少分比左吳彥祖個樣. haha!). 主要演員：陳奕迅、吳彥祖、杜汶澤、莫文蔚 導演：馮德倫 級別：IIb級

The Passion Of The Christ 受難曲 故事大網： 本片紀錄了耶穌基督一生中最後的12個小時，那是他在耶路撒冷受難的一天，他化身人類後遭受到最殘酷最痛苦的折磨，直到生命消逝。故事從一個夜晚開始，耶穌被猶大出賣給了羅馬人，在暗藍色的夜幕下，耶穌驚醒、震驚、失望，接著坦然、寬容，默默地束手被擒…… 感想： 明明好眼訓都訓唔到既戲. 除左因為音樂太嘈(其實幾好, 好震撼)之外, 就係果種由頭到尾不其然流露既壓迫感. 睇到果d一樣比一樣殘暴既刑具, 成身既爛肉... 雖然故事對我來說已經算陳腔濫調, 同類既戲都睇過唔少, 但係三級就係三級, 殘暴既場面拖長到兩個鐘, 問你點頂!? 音效真係好得, 畫面就有d太做作, 值75分. 主要演員：占士加域素 James Caviezel, 莫妮嘉貝魯奇 Monica Bellucci, 羅莎蓮達薩拉妲露 Rosalinda Celentano 導演：米路吉遜 Mel Gibson 級別：III級